B.Lkhagvasuren

Хил дээр бичсэн шvлэг

Хvний нутагт явсан цулбуур эвхэж

Хилийнх нь боомтонд ирлээ

Торгон хилийн эмзэг зурвасны цаана

Тортог суугаагvй эх орны минь сэжvvр

Амаржих гэж байгаа эхийн хормой шиг намайж

Алтан харганатай толгод нь єндєлзєнхєн байнаа

Хилийн эрхэм тvшмэл

Хээмсэгхэн ширтэж хуудас тараана

Асуулт бvхэн нь хариулт нэхсэн тvvн дээр

Аль улсын иргэн болох...гэж асуусан байна
"Монгол" гэж

Зургаан хана шиг vсгийг

Зурхайн хєх тэнгэрээс доош нь урсгаж бичлээ

Монголд хэдий хугацаагаар суух...гэж бас асууж байна
Yхтлээ суунаа

Yхсэн хойно сvнс минь хvртэл

Монголын харъяат гэж бичлээ

Зарах юм байна уу гэсэн хvмvvс

Завсраар нь бас гvйлдэнэ

Мохоо хутга шиг нь

Монголоо зарах уу гэж асуух шиг сэрдхийлгэнэ

Yгvй дээ

Yгvй

Хардаг нvд гэмээнэ

Цавчихыг нь мартаж ємгєєлсєн

Хальдаг амь гэмээнэ

Yхэхийг нь мартаж ємгєєрсєн

Нутгаа єгснєєс vхсэн нь дээр гэж цус нь буцалсан

Нумын хєвч аагтай илдийн vр садыг

Монгол гэдэг юм

Нуугаад байхад цухалзаад байгаа санаагаа ав

Нутаг руу минь унагасан

Нvдээ ав

Євєг дээдэс минь ясаа дор нь ивсэн

"Єндєр" эх оронд минь санаархваас

Заяа чинь дутна...